小弟一向鍾愛咖啡, 由8歲開始飲第一杯泰式冰咖啡開始, 就同咖啡結下不解之緣. 當年愛飲咖啡原因並唔係因為被咖啡的味道吸引, 而係甜味 (-0-)!...但人大了, 口味亦都轉了, 開始喜歡咖啡既香味, 開始對咖啡有要求, 漸漸放棄了某些標榜香濃醇厚既即溶咖啡, 轉為飲咖啡粉用滴濾咖啡機沖調的咖啡.
近呢十幾年, 從星巴克(STARBUCKS)出現, 開始帶起香港咖啡文化, 因開在公司樓下, 加上職業上經常捱更抵夜, 所以我亦經常買杯咖啡回辦公室嘆(最高峰時一日七杯 (@o@)...), 及後04年樓上咖啡店如雨後春荀越開越多, 但因為質素太參差不齊, 所以都係光顧星巴克. 直至筍盤陳豪既電視節目品味咖啡, 自己開始去四周品嘗咖啡. 開始學去沖調咖啡一杯好既咖啡.
對於沖調咖啡, 我絕對係新手一名, 所以日後所寫的只是自己個人方法及感覺, 未必是一個正確或正統的方法, 都是這句 "不喜勿插".
標籤中Kopi Nuri是馬來西亞語, 即鸚鵡咖啡, 現實上並無此類的咖啡, 只是Kopi Luwak(貓屎咖啡/ 麝香貓咖啡)的戲稱.
沒有留言:
發佈留言